1990-ээд онд дэлхийн поп ертөнцөд ноёрхож байсан алдарт “Michael Learns to Rock” хамтлаг өнөөдөр 14 цаг 30 минутанд манай эх оронд хүрэлцэн ирнэ. Азийн орнуудаар хийх аялан тоглолтоо ийнхүү Монгол Улсаас эхлүүлж буй дэлхийн хэмжээний одод маань онгоцноос буугаад шууд “Bly Sky” зочид буудалд очиж байрлаад хэсэг хугацааны дараа 18 цагаас “Bly Sky”-ын Даймондод зөвхөн хэвлэл мэдээллийн хэрэгсэлүүдэд төдийгүй, үнэнч шүтэн бишрэгч фенүүдтэйгээ уулзаж, зургаа авхуулах юм.
Тэд энэ сарын 7,8-нд “UB Palace”-д тоглолтоо хийж монголын үзэгч фенүүдтэйгээ учран золгох бөгөөд “Paint my love”, “25 minutes”, “That’s why go away”, “Sleeping child”, “Take me to your heart” хит дуунуудаар нь бид сайн мэдэх билээ. “Michael Learns to Rock” хамтлагийн тоглолтыг “Evento” ХХК санаачлан, ерөнхий зохион байгуулагчаар Монголын Залуучуудын холбоо ажиллаж байна. Харин төслийн зөвлөхөөр хөгжмийн зохиолч Б.Долгион, хөгжим гэрэлтүүлгийг “Тotal Music” компани, хамтран зохион байгуулагчаар “Вагнер Ази”, “Улаанбаатар палас”-ын хамт олон оролцож байгаа ажээ.
Та бүхнийг урлагийн тэнгэр ивээг…
www.urlag.mn
