УДЭТ-ын хамт олон нь театрынхаа алтан үеийн болон ахмад уран бүтээлчдийн алдрыг хүндэтгэж, бүтээн туурвих арга ухааныг нь хойч үедээ уламжлуулан үлдээх зорилгоор СУИС-тай хамтран “Бид мартахгүй” хүндэтгэлийн дурсамж тоглолтоо өнөөдөр 15.00 цагаас зохион байгуулах гэж байна. Энэхүү арга хэмжээний хүрээнд “Ахмад үеийнхний арга туршлага” сэдэвт эрдэм шинжилгээний бага хурал, дурсамж ярилцлага, хүндэтгэлийн тоглолтыг зохион байгуулах ажээ. Түүнчлэн театрын алтан үеийн болон ахмад уран бүтээлчдийн алдарыг хүндэтгэж гавьяат уран зохиолч Сономбалжирын Буяннэмэхийн 110, ардын жүжигчин Дэндэвийн Чимид-Осорын 100, гавьяат жүжигчин Аюурын Цэрэндэндэвийн 100, гавьяат жүжигчин Лхамжавын Долгорын 90, гавьяат жүжигчин Заяатын Жарантавын 70 насны ойг тус тус тэмдэглэн өнгөрүүлэх юм.
Мөн урлаг судлалын ухааны доктор, профессор УГЗ С.Сугарын “Улсын алдар гавъяат уран зохиолч С.Буяннэмэхийн жүжгүүд”, СУИС-ийн тэнхимийн эрхлэгч, урлаг судлалын ухааны доктор, профессор УГЗ Н.Ганхуягийн “МУАЖ Д.Чимод-Осорын цоморлиг”, Урлаг судлаач Д.Мягмарсүрэнгийн “МУГЖ Амьдрал", зэрэг уран бүтээлийг харуулсан 200 орчим гэрэл зургаас бүрдсэн үзэсгэлэн дэлгэгдэх ажээ.
Дэлгэрэнгүй мэдээллийг 70128999, 99199794, 98557878, 96609794
