Цахим ертөнц дэх хамгийн том хайлтын систем Google сайтад байхгүй зүйл гэж үгүй. Хэрэгтэй бүх мэдээллийг эндээс олж болдог тул хүн бүхэн ямар нэг зүйл хайхаар зочилдог. Ингэхдээ мэдээж түлхүүр үг ашиглана. Тэгвэл Google түлхүүр үг бүхий хайлтуудаас энэ оны хамгийн эрэлттэй 50 эмэгтэйг тодруулжээ. Уг жагсаалтыг “Born to Die” дуугаараа алдаршсан 26 настай дуучин Лана Дел Рэй 722 сая хайлтын дүнгээр тэргүүлжээ. Түүний араас Рианна, Шер, Лейди Гага, Бритни Спирс, Адель нар жагсаж байгаа бол Селена Гомез 16, Анжелина Жоли 26, Мишель Обама 39, Скарлет Иохансон 42 дугаар байрт тус тус жагсчээ.
Энэ жагсаалтын 18 дугаарт “Here Comes Honey Boo Boo” реалити шоуны оролцогч “Honey Boo Boo” хочит Алана Томпсон хэмээх охин бичигджээ. Харин 43 дугаарт насанд хүрэгчдийн од Лиза Анн жагсаж, Холли Берри, Кэйт Мосс, Хиллари Дафф нарыг ардаа орхисон байна.
