Уран бүтээлчдийг дэмжих, тэдний хөдөлмөрийг үнэлэх зорилгоор Монгол Улсын Засгийн газраас “Олон улсын хэмжээнд зохиогддог соёл, урлагийн их наадам, уралдаан, үзэсгэлэн, номын яармагт оролцож, онцгой амжилт гаргасан соёлын ажилтан, уран бүтээлчдэд мөнгөн шагнал олгох тухай журам”, “Оны шилдэг бүтээлч шалгаруулах журам”-ыг батлан хэрэгжүүлж, Засгийн газрын 195 дугаар тогтоолын дагуу 2008 оноос жил бүр зохион байгуулж буй оны шилдэг уран бүтээлч шалгаруулах “Мөнгөн мод” наадам энэ жил тав дахь жилдээ зохион байгуулагдах гэж байна. Тус наадмын бүртгэл бүтэн сарын турш явагдаж өнөөдөр буюу 25-ны өдөр дуусгавар болох гэж байна.
Энэ жилийн “Мөнгөн мод” наадамд “Тайз дэлгэцийн шилдэг найруулагч”, “Тайз дэлгэцийн шилдэг зураач”, “Тайз дэлгэцийн шилдэг жүжигчин”, “Шилдэг бүжигчин”, “Шилдэг хөгжимчин”, “Шилдэг дуучин”, “Шилдэг утга соёлын өвийг эзэмшигч” зэрэг номинацид нэр дэвшигчдийн материалыг ССАЖЯ-ны байранд хүлээн авсан бөгөөд ирэх оны 1 дүгээр сарын 30-ны дотор дүнгээ зарлаж оны шилдгүүдийг тодруулж шагнаж урамшуулах юм
Та бүхнийг урлагийн тэнгэр ивээг…
www.urlag.mn