Холливудын алдарт жүжигчин Брэд Питт буюу бүтэн нэр нь Уильям Брэдли Питт өдгөө дэлхийн сая сая хүмүүний шүтээн болсон алдартай жүжигчин билээ. Тэрбээр АНУ-ын Охлахома мужийн нэлээд шашинлаг гэр бүлд өссөн аж. Брэд жүжигчин төдийгүй чадварлаг продюссер юм. 1995 оны алтан бөмбөрцөгийн шагналт. 1996, 2009 онд нэг төрлөөр, 2012 онд хоёр төрлөөр нийтдээ дөрвөн удаа Оскарт нэр дэвшиж байжээ. Түүний аав Уильям Питт ачаа үйлчилгээний компанийн менежерээр ажилладаг байв. Харин ээж Жейн Этта Хиллхаус нь нутгийнхаа дунд сургуулийн багш байжээ. Тэрбээр Дуг Питт хэмээх ах, Жулия Питт хэмээх эгчтэй аж.
Брэд сургуульд байхдаа мэтгэлцээний клубд явж, хөгжмийн дугуйланд суралцахын зэрэгцээ оюутны өөрөө удирдах зөвлөлийн гишүүн байжээ. Харин сургуулиа төгсөөд Колумбийн Миссури сургуульд сэтгүүлч мэргэжлээр суралцахаар элсэн орж төгсчээ. Гэвч сургуулиа төгсөөд мэргэжлийн ажлаа олоогүй учраас Холливуд руу очин жүжигчний зам мөрийг хөөжээ. Тэнд тэрбээр Брэд Питт хэмээх нэрээр урлагийн гараагаа эхэлсэн аж.
Мөн Брэд Холливудад очсон даруйдаа “El Pollo Loco” сүлжээ ресторанд зөөгчөөр ажилладаг байжээ. Ийнхүү тэрбээр хувцас, хоол, хүнснийхээ мөнгийг олохын хажуугаар жүжигчний дамжаа дүүргэсэн гэнэ. Өдгөө Анжелина жолитой гэр бүл болон амьдарч хүү Мэддокс, Пакс, Нокс, охин Захара, Шайло, Вивьен нарын зургаан хүүхэдтэйгээр өнөр өтгөн гэр бүл болж сайхан амьдарч байгаа билээ.
