“Вox office”-ийн өнгөрөгч долоо хоногийн шилдгээр найруулагч Питер Жексоны “Hobbit” кино шалгарсан байна. Энэ сарын 13-нд нээлтээ хийснээс хойш уг кино хоёр дахь долоо хоногтоо ийнхүү “Вox office”-т орлогоороо тэргүүлж буй юм. Өнгөрсөн долоо хоногийн байдлаар 22.6 сая евро буюу 36.7 сая.ам долларын орлого олсон аж. Тус кино хоёрдахь долоо хоногтоо дахин орлогоороо тэргүүлсэн ч 84.8 сая ам.долларын орлого олсон эхний долоо хоногийн амжилтаа эвдэж чадаагүй байна.
Харин үзэгчдийн дунд багагүй хүлээлт үүсгээд байсан Холливудын нэрт од Том Крузын гол дүрд нь тоглон, өнгөрсөн долоо хоногт нээлтээ хийсэн “Jack Reacher” 15.6 сая ам.долларын орлого олжээ. “Box office”-ийн шинжээчдийн тайлбарласанаар “Hobbit” хоёр дахь долоо хоногтоо ийнхүү орлогоор буурсан нь Зул сарын баяр дөхсөнтэй холбоотой хүмүүсийн дэлгүүр, худалдааны төвүүдээр худалдаа хийх нь эрс нэмэгдсэнтэй холбоотой аж.
Ийнхүү өнгөрсөн долоо хоногт “Box Office”-т орлогоороо тэргүүлсэн шилдэг таван киног танилцуулъя.
The Hobbit- 36.7сая ам.доллар
Jack Reacher -15.6 сая ам.доллар
This Is 40-12сая ам.доллар
Rise of the Guardians-5.9 ам.доллар
Lincoln-5.6 сая ам.долларын орлого тус тус олжээ.
