СУИС-ийн Хөгжмийн урлагийн сургуулийн Сонгодог хөгжмийн тэнхимийн эрхлэгч,Төгөлдөр хуурч Цэндоржийн Энхтөр шавь А.Энх-Амгалантай хамтран “Piano duo” буюу “Төгөлдөр хуурын хослол” тоглолтоо ирэх сарын 9-нд ДБЭТ-т тавих гэж байна. ДБЭТ-ын симфони найрал хөгжмийн удирдаач Н.Туулайхүүгийн удирдах уг тоглолтод Моцарт, Шуберт, Шопен, Рахманинов, Пулёнк нарын хөгжмийн зохиолчийн бүтээлээс тоглоно. Тоглолтыг “Mongolian classic education partners” компани зохион байгуулж буй бөгөөд тасалбар 20-30 мянган төгрөгийн үнэтэй.
Дашрамд дурдахад, төгөлдөр хуурч Ц.Энхтөр өнгөрсөн хавар анхны бие даасан “Electric concerto” тоглолтоо тавьсан нь сонгодог урлагт дурлагчдаас өндөр үнэлгээ авсан юм.
