Хүннүгээс эхлээд Чингис хааны нэгтгэсэн эзэнт улс, тусгаар тогтнолоо хамгаалсан Гапдан бошигтын тэмцэл, Занабазар, Богд хаан, ардын хувьсгал, социализм, ардчилал гээд монголчуудын өнөөг хүртэл туулж ирсэн төрийн түүхийг харуулсан “Монгол төрийн товчоон” баримтат кино энэ сарын сүүлчээр Төрийн түүхийн музейд нээлтээ хийх ажээ. “Big line film” студийн бүтээж буй уг киноны ерөнхий найруулагчаар З.Батболд хэмээх авъяаслаг найруулагч ажиллаж байгаа бөгөөд үзэгчид түүнийг “Бурхан өршөө”, “Гоёлын даашинз” тэргүүтэй киногоор нь сайн мэдэх билээ. Ийнхүү баримтат кинонд анх удаагаа хүч үзэж буй бөгөөд хорин минут үргэлжлэх тус киноны зургийг Сүхбаатарын талбай, Богд хааны ордон музей, Сонгинохайрхан уулын урд хормойд авчээ.
“Монгол төрийн товчоон” кинонд Модун Шаньюгийн дүрийг УДЭТ-ын жүжигчин Ц.Цэрэнболд, Чингис хааны дүрийг залуу жүжигчин Б.Батмэнд, Есүхэйн дүрийг гавьяат жүжигчин Б.Жаргалсайхан, Богд хааны дүрийг Н.Зоригт, Галдан Бошигтын дүрийг Г.Эрдэнэбилэг бүтээжээ.
www.urlag.mn