Төрийн соёрхолт дуучин Д.Болдын “Монгол поп” төслийн хоёр дахь давалгаа буюу шинэ цомог өнөөдрөөс эхлэн "Hifi cd shop"-ын салбаруудаар худалдаалагдаж эхэллээ. Тус цомог нь “Монгол поп” төслийг чухам ямар гүнзгий утга агуулгатай вэ гэдгийг харуулсанаараа онцлог ажээ.
Д.Болд энэхүү хоёр дахь давалгаагаа, авьяас билэг төгөлдөр өвөг дээдсийн бурхан ухааныг мөнхөд магтан дуулж, уран бүтээлээрээ сурталчлах болно хэмээн хэлсэн шигээ энэхүү цомгийн нүүрээ уламжлал, шинэчлэл, дорнын гүн ухааны үндэс суурь болсон арга, билгийг хослуулж өгчээ.
Түүнчлэн Д.Болд сайн менежер гэдгээ харуулан, энэхүү цомогт орсон дуугаа нэг бүрчлэн, маш чамбай танилцуулж байгаа нь фенүүдийнх нь зүгээс өндөр үнэлгээ авснаар тэдний дунд энэхүү цомгийг хүлээх хүлээлт үүсээд байсан юм. Түүний чамбай менежментийн үр дүн эхнээсээ гарч, “Монгол поп-2” цомогт орсон “Үүлэн домог” дуу UBS music-ийн “Оны шилдэг клип” шагналыг хүртжээ.
www.urlag.mn
