Тэгвэл байгуулагдаад багагүй хугацааг үдэж буй уг нэгдлийн зүгээс "Дөрвөн бэрх" аялан тоглолтыг Франц улсад хийхээр болжээ. Тоглолтод Монголын шилдэг хөөмэйчдийн дөрвөл оролцох бөгөөд уламжлал, шинэчлэлийн заагийг илтгэх уг тоглолт нь өгүүлэхүйн эрхтний шүтэлцээт урлагийн онцгой нэгэн төрөл болох хөөмэйн гайхамшгийг танин мэдэх боломжийг барууны үзэгчдэд олгож байна.
Магтаал, уртын дуу болон богино дууны үлэмж баялаг урын санг товшуур, морин хуур, цуурын хөгөөр илэрхийлэх “Дөрвөн бэрх” хамтлаг хөөмэйч, МУГЖ Н.Сэнгэдорж, СУИС-ийн багш, СТА, нэрт хөөмэйч Б.Одсүрэн, алдарт хөөмэйч, МУУГЗ Д.Цэрэндаваа, “Алтай Хангай” хамтлагийн хөөмэйч Н.Ганзориг нарын бүрэлдэхүүнтэй бөгөөд хөөмэйн дотоод уламжлалаар дамжуулан Францын үзэгчдийг Монголд аялуулах зорилготой ажээ. Аялан тоглолт энэ сарын 10-нд Францын Рэннэс хотод эхлэх бөгөөд 11-12-ны өдрүүдэд Парис, Лион хотод үргэлжилнэ.
Эх сурвалж: www.time.mn Т.Бэх
