“Хунт нуур” бүжгэн жүжгийн гоцлол бүжигчин нь МУГЖ Д.Алтанхуяг

    Хоёр он солигдоод удаагүй байгаа энэ үед УДБЭТ-ын хамт олон үзэгчдэдээ хүргэхээр нэгэн бэлгийг бэлдээд байна. Тэд энэ сарын 11, 12-нд П.И.Чайковскийн “Хунт нуур” балетыг тайзнаа амилуулахдаа Монгол Улсын гавьяат жүжигчин, АНУ-ын “Бостон балет” компанийн гоцлол бүжигчин Д.Алтанхуягийг тоглуулах юм. Мөн АНУ-ын “Бостон балет” компанийн гоцлол бүжигчин Ашли Эллис, Аветик Карапетиан нар бүжих нэгэн сонгодог үдшийг тун удахгүй  хийнэ. Дэлхийн шилдэг долоон балетчний нэг, Монгол Улсын гавьяат жүжигчин, АНУ-ын “Бостон балет” компанийн гоцлол бүжигчин Д.Алтанхуяг Монголын сонгодог урлагийн хөгжлийг дэлхийд гаргах нэрийн хуудас болсон гэхэд болно. Тиймдээ ч сонгодог урлагийг шимтэн сонирхдог үзэгчид Д.Алтанхуягийг энэ удаа тайзнаа гарахад нь алга нижигнүүлэн хүлээж авах нь дамжиггүй.