Дэлхийн тулааны урлагийн нэрт мастер "Брюс Лиг"-ийн кунфугийн их багш "Ип Ман" болон түүний дайснуудын хоорондох ширүүн тэмцлийг өгүүлэх “The Grandmaster” /Их мастер/ хэмээх кино өнөөдөр Бээжин хотноо нээлтээ хийлээ. Хонгконгийн найруулагч "Вон Карвай"-гийн бүтээл уг кино нь уран бүтээлчдийн зургаан жилийн хөдөлмөрөөр бүтжээ. Тус кинонд Өмнөд Солонгосын жүжигчин "Сун Хье Кё" гол дүр буюу тулааны их мастер "Ип Ман"-ы эхнэрийн дүрийг бүтээснээрээ онцлогтой юм. Тэрбээр Өмнөд Солонгосын жүжигчин "Сун Хье Кё" анх удаа хятад кинонд, хятад эмэгтэйн дүрийг бүтээсэн нь энэ юм.
“Их мастер” кинонд алдарт кунфу мастер "Ип Ман"-ын дүрийг Хонгконгийн жүжигчин "Тони Люн Чиу Вай" бүтээжээ. Өмнөд Солонгосын жүжигчин "Сун Хье Кё" /Song Hye Kyo/ ”Зүрхэнд шингэсэн намар”, “Бүгдийг нь”, “Миний байшин” зэрэг кинонд бүтээсэн олон гайхалтай дүрээрээ улсдаа төдийгүй Азийн кино урлагт олны танил болсон жүжигчин юм. Ийнхүү азийн болоод дэлхийн кино сонирхогчдийн дунд удаан хүлээлт үүсгэж урлаг судлаачдаас өндөр үнэлгээ аваад буй “The Grandmaster” /Их мастер/ хэмээх кино өнөөдрөөс эхлэн Бээжингийн үзэгчдэд хүрч эхэллээ.
