Жастин Бибер анхны хайр Селена Гоместойгоо таарахаа больжээ

Дуучин Жастин Бибер найз бүсгүй Селена Гоместоо хаягдсан тухай Showbiz Spy цахим хуудаст мэдээлжээ. “Тэр хоёр удаан хугацааны турш хамтдаа байсан. Одоо ч гэсэн нэг нэгнээ хайрласан хэвээрээ л яваа. Гэхдээ л тэд урьдынх шигээ нэг нэгэн рүүгээ тэмүүлэхээ больжээ. Тиймээс харилцаагаа таслахаар шийдсэн юм. Селена бол Жастины анхны хайр. Тиймээс анхны хайраа эргүүлэн авчрахыг хүсч байгаа. Харин Селена Гомес хайр сэтгэлийн тал дээр илүү туршлагатай тул бүхнийг бодитоор харж, дүгнэж байгаа аж” хэмээн бичсэн байна.
Тэд шинэ жилийг Мексикийн наран шарлагын газар хамтдаа хөгжилдөн угтахаар одсон ч тэндээ очмогцоо байнга ам зөрж, муудалцах болсон тул харилцаагаа тасалсан нь дээр гэж үзсэн ажээ.