“Ану хатан”-ы уран бүтээлчдийн бяцхан үрс

011 оны 7-р сараас хойш бүтэн жил дамнан бүтээж буй “Ану хатан” киноны уран бүтээлчдийн гэр бүлд өнөөдрийг хүртэл 6 хүүхэд мэндлээд байгаа гэнэ. Хамгийн сүүлд Анугийн эх Доржравдан хатны шивэгчин Үзмээд тоглосон залуу жүжигчин Б.Оюун-Эрдэнэ охин төрүүлж томоохон түүхэн уран бүтээлд тоглосноо билэгшээж Ану нэр хайрлажээ. Б.Оюун-Эрдэнэ “Улаан эрэг” киноны гол дүрд тоглосон монгол төрхтэй бүсгүй юм. Киноны зураг авалт дөнгөж эхэлж байх үеэр жүжигчин Л.Билэгжаргал, “Гурван охин”-ы Анхмаа нарын охин Ундарга мэндэлж, уран бүтээлчдийн нялх үрсийн салхийг хагалж байжээ. Л.Билэгжаргал буюу Бэкэ нь Галдан хааны ах Сэнгэ хунтайжийн бага хүү Сономравдангийн дүрд тоглосон байна. Киноны трэйлерд гардгаар Сономравдан нь Ах Цэвээнравдангаа хамгаалж яваад Ану хатанд харвуулж үхэхдээ “Намайг биш ч ахыг минь тэнгэр өршөөсөн юм биш үү?” гэж хэлдэг ажээ.