“Дижитал” хамтлаг залуучуудын дунд уралдаан зарлалаа

“Чамдаа”, “Уучил хайрт минь” зэрэг дуугаараа нэгэн үе залуусыг байлдан дагуулж, тухайн цаг үеийн жинхэнэ шилдэг хамтлаг байсан “Дижитал” эргэж нэгдээд удаагүй байна. Тэд хамгийн сүүлд “Чамгүйгээр” дууны клипээ хүргэж, тун удахгүй залуучуудад зориулсан тоглолтоо хийхээр болсон аж. Мөн тоглолтоосоо өмнө шинэ цомгоо гаргаж, сонсогчдын дунд ковер дууны уралдааныг зарлаад байгаа юм. Уралдааны ялагч “Дижитал” хамтлагийн тоглолтод дуулж, дуулсан уран бүтээлийг нь хамтлагийнхаа шинээр гарах цомогтоо багтаах гэнэ. Тэд гэгээн хайрын баярын өдөр “АСА” циркэд тоглолтоо хийхээр төлөвлөсөн байна.