19-р зууны их соён гэгээрүүлэгч Д.Данзанравжаа, 20-р зууны билиг танхай яруу найрагч Р.Чойном, 21-р зуунаас Америкийн зохиолч Айн ренд нарын бүтээлүүдийг Монгол түмэнд өөрийн нүр их хөдөлмөр, авъяас билигээр хүргэсээр ирсэн Төрийн соёрхолт, жүжигчин Д.Сосорбарам өөрийн удирддаг “Од” театрын тайзнаа энэ сарын 16-нд Америкийн алдарт зохиолч "Айн Рэнд"-ийн зохиол “Нэгдүгээр сарын 16-ны шөнө” жүжгийг амилуулахаар болсон байна. Тус жүжгийн зохиолыг сэтгүүлч, орчуулагч Б.Цацрал орчуулан Төрийн соёрхолт, жүжигчин Д.Сосорбарам найруулан тавьж байгаа ажээ. Тус жүжигт монголын хошин урлагийн ууган хамтлаг болох “Х-Түц” продакшнынхан, тодруулбал, Гавьяат жүжигчин Л.Баттулга, И.Одончимэг, Н.Онон, Т.Бархүү, С.Тэмүүжин, Г.Нарансолонго болон “To be or not to be” шоуны 2012 оны шилдэг таван оролцогч залуус оролцон тоглож буй ажээ. Д.Сосорбарам соёрхолт болон “Х-Түц”-ийнхэн өмнө нь Айн Рэндийн “Сайтар эргэцүүл” жүжгийг тайзнаа тавьсан “эртний” хамтрагчид. Тиймээс ч дахин хамтран ажиллахаар шийдэж, мөн л Айн Рэндийн зохиолыг сонгон авчээ.
Үнэхээр үзэгчдийн дунд хэдийнээ хүлээлт үүсгээд буй өвөрмөц шийдэл бүхий “Нэгдүгээр сарын 16-ны шөнө” жүжгийг ердөө ганцхан удаа буюу энэ сарын 16-ны үдэш тоглох ба NTV телевизээр 19.00 цагт шууд дамжуулах гэнэ. Ийнхүү “Нэгдүгээр сарын 16-ны шөнө” юу болох талаар буюу жүжгийг “амьдаар” мэдрэхийг хүсвэл “Од” театрыг зориороо.
Дашрамд дуулгахад Тасалбарын үнэ 101 мянган төгрөг юм байна.
Та бүхнийг урлагийын тэнгэр ивээг…
www.URLAG.mn
