BEYONCE: Jay- Z маань намайг төрөхөд миний хажууд байсан

Олны танил, үлгэр жишээч гэр бүлийн нэг бол яалт ч үгүй дуучин BEYONCE, РЕППЭР Jay- Z нар билээ. Тэдний хувьд одоогоос нэг жилийн өмнө охинтой болж, хэсэг хугацаанд хувийн амьдрал нь олны анхаарлын төвд орж байв. Дуучин бүсгүй охинтой болсноосоо хойш анх удаа өгсөн бага хэмжээний ярилцлагыг орчуулан хүргэж байна. 



-Сайн уу. Охинтой болсноос хойш анхны ярилцлагаа өгч байгаа байх?

-Би хэдийгээр олны танил ч гэсэн охин, нөхөр хоёртойгоо гадуур санаа зоволтгүй алхаж, үнэхээр сайхан мэдрэмж авч байна. Охинтой болсон энэ мэдрэмжээ нэг л тодорхойлж чадахгүй байна. Хэлэх үгээ олохгүй нь. Нэг мэдэхэд л хүүхэдтэй болж, үнэхээр содон мэдрэмжийг авч эхэлжээ. 



-Таныг төрөх үед реппэр Jay- Z хаана байсан бэ?

-Тэр намайг төрөх хүртэл эмнэлгийн өрөөнд хамт байсан гэдгийг баталж чадна шүү. Зарим эрчүүд айгаад ор сураггүй болчихдог гэж сонсож байсан. Харин нөхөр маань тэгээгүй шүү. Тэр маань байгалиасаа л хамгаалагч шиг, юунаас ч айхгүй төрсөн хүн байгаа юм. Түүнтэй байхад нэг л аавынхаа дэргэд байгаа мэт сэтгэгдэл төрдөг. Анх хүүхэдтэй болсноо мэдсэн цагаас эхлээд жирэмсэн байхад үргэлж л намайг халамжилж, хамгаалдаг байсан.



-Тэр тэгэхээр үнэхээр сайн нөхөр байх нь ээ?

-Тийм шүү. Jay- Z бол зөвхөн бадрангуй сайн дуучнаас гадна нөмөр нөөлөгтэй, бадрангуй нөхөр байж чаддаг. Түүний амьдралын аяллын дараагийн алхам бол нөмөр нөөлөгтэй, сайн эцэг байх явдал. Тэр өөрөө ч хэлж байгаа. Би ч харцаар нь мэдэрсэн. Нөхөр маань ер нь ямар ч хэцүү ажил байлаа гэсэн айж, хойш суудаггүй. Тэр охиноо өөрөө өлгийддөг. Үнэхээр гарын дүйтэй шүү. 



Орчуулсан.Б.Золзаяа