Хөгжмийн зохиолч МУСТА Б.Пүрэвсүрэнгийн гурав дахь уран бүтээлийн тайлан тоглолт Монгол бөхийн өргөөнд өнөөдөр буюу 18-ны 19:00 цагаас "Монгол бөхийн өргөө"-нд ганцхан удаа тоглоно. Монголын нийтийн дууны нэрт мастеруудын олон сайхан хит болсон дуунуудын хөг аялгууг амьдруулж дуунд дуртай, дуучин монгол ард түмэндээ уран бүтээлээрээ хэдийнээ танил болон хүндлэгдсэн хөгжмийн зохиолчын маань "Ирж яваа цаг" хэмээх уран бүтээлийн шинэ цомог энэхүү тоглолтынх нь үеэр дуунд дуртай дуучин монгол түмний гар дээр очих юм байна.
Түүний тоглолтын хувьд 2013 оны хамгийн анхны нийтийн дуучдын хамтарсан тоглолт болох гэж байгаагаараа онцлог бөгөөд тоглолтонд урилгаар хөгжмийн зохиолчийн дотны хамтрагчид болох “Дулаахан намар” дууг нь амьдруулсан МУГЖ С.Жавхлан, ”Хайрын болзоо” дууг нь амьдруулсан МУГЖ С.Эрдэнэцэцэг, Цагдаагийн "Сүлд" чуулгын гоцлол дуучин МУГЖ Г.Ариунбаатар, “Манай адуу” дууг нь амьдруулсан МУСТА А.Мөнхбат, “Босоо хиймортой эр хүн” дууг нь амьдруулсан МУСТА Л.Болдбаатар, “Амин булаг эжий аав хоёр” дууг нь амьдруулсан МУСТА Т.Батсайхан, “Сайхан” дууг нь амьдруулсан МУСТА Э.Төрмандах, “Санахгүй л гэсэн юмаа, Аялас хйигээд дуулъя даа” дуунуудыг нь амьдруулсан МУСТА Б.Буянжаргал, “Миний найз” дууг нь амьдруулсан Ноён Бондгор хүрэлцэн ирж ая дуугаа өргөх ажээ.
Түүнчлэн тоглолтын эзэн хөгжмийн зохиолч МУСТА Б.Пүрэвсүрэн “Ятгын чуулгатай” хамтран МУГЖ С.Жавхлангийн аав Д.Самандын шүлгээр амилсан “Ирж яваа цаг сайхан” хэмээх шинэ уран бүтээ болоод өөрийн бүтээсэн сайхан уран бүтээлүүдээ үзэгч түмнээ толилуулж эгшигийн цэнхэр хадаг өргөн барих ажээ.
Мөн тоглолтын хөгжмийг Цагдаагийн “Сүлд” чуулгын симфони оркестр эгшиглүүлэх бөгөөд цэнгээнт бүжгийн “Хатан туул” хамтлаг 40 гаруй хүний бүрэлдхүүнтэйгээр оролцож үзэгчдийг дуу бүжгийн тансаг хэмнэлээр уяраах юм байна.
Ийнхүү хөгжмийн зохиолч МУСТА Б.Пүрэвсүрэнгийн гурав дахь уран бүтээлийн тайлан тоглолтонд дуунд дуртай, дуучин монгол ард түмнийгээ хүндэтгэн урья.
Дэлгэнгүй мэдээллийг: 99883031, 98993031, 91023031 дугаарын утсаар лавлах ажээ.
Таныг урлагийн тэнгэр ивээг…
www.urlag.mn
