Барбадос гаралтай поп од дуучин Рианна “Комплекс” сэтгүүлийн хоёрдугаар сарын дугаарын нүүр хуудсыг чимжээ. Өдгөө 24 настай түүнийг өөр өнцгөөс, өөр дүр төрхөөр харуулахыг хичээсэн гэж тус сэтгүүлийн зүгээс илрэхийлсэн байна. Рианна “Комплекс” сэтгүүлд нийт долоон зураг татуулсан байна. Рианна тус сэтгүүлд 1.75 сая ам.доллараар зурагнуудаа худалдсан бөгөөд төлбөрийг нь төрөлх нутгийнхаа эмнэлэгт хандивласан билээ.
Тэрбээр эмэг эхийнхээ дурсгалд зориулж дээрх хандивыг өргөж байгаагаа мэдэгдсэн. Түүний эмээ өнгөрсөн зургадугаар сард хорт хавдрын улмаас нас барсан юм. Рианна Барбадос улсаас дэлхийн хэмжээнд нэр алдар нь түгсэн ховорхон эмэгтэйчүүдийн нэг гэдэг утгаараа улс орондоо нэр хүнд, нөлөө сайтай. Харин өнгөрсөн жилийн хамгийн орлого сайтай дуучдын тоонд 53 сая ам.долларын ашиг олсноор дуучин Рианна багтсан билээ.