Скриллекс гэдэг нэрээрээ олонд танигдсан DJ

Америкт хүчээ авч байгаа DJ-нүүдийн нэг Sonny John Moore 1988 оны энэ өдөр Лос Анжелес хотын зүүн урд зүгт байрлах Highland Park-т төржээ. 



Тэрбээр Скриллекс гэдэг нэрээрээ олонд танигдсан юм. Лос Анжелес хотын зүүн урд зүгт байрлах Highland Park-т төрсөн ч, Forest Hill рүү нүүж тэндээ бага сургуулиа төгсчээ. 2004 онд “From First to Last” хэмээх хамтлагт дуучнаар орж, хоёр ч альбом бичүүлсэн байна. 2007 онд хамтлагаасаа гарч ганцаараа карьерээ хөөж эхэлсэн нь нэр алдарт хүргэжээ. 



2007 оноос эхлээд аялан тоглолтоо хийж эхлэн, 2009 онд “GypsyShook EP” гэдэг цомгоо гаргасныхаа дараа “Bells” хэмээх цомгоо продюссер Noah Shainтай хамтран гаргажээ. Энэ л үедээ тэрбээр Скриллекс хэмээх нэрээ бодож олжээ. 



Түүнээс хойш, амьдрал нь ч сайжирч “Scary Monsters and Nice Sprites”, “More Monsters and Sprites” xэмээх цомгуудаа гаргаж греммигийн авардст таван номинацад дэвшин гуравт нь ялжээ. 



Г.Хишигт