Дэлхийн супер од Колумбын нэрт дуучин "Шакира" өнөө маргаашгүй амаржих гэж байгаа билээ. Тэрээр амаржихаасаа өмнө жирэмсэн нүцгэн зургаа авахуулаад амжжээ. Гэхдээ ганцаараа ч биш найз залуу, хөлбөмбөгч Жерар Пикетэйгээ хамт хар цагаан зураг авахуулсан нь тун сайхан зураг болжээ. Одод цүдгэр гэдэстэй байхдаа нүцгэн зураг авахуулж хэвлэлд тавиулах дуртай байдаг. Бритни Спирс, Деми Мур нар хөл хүндтэй байх үедээ нүцгэлж зурага авахуулснаа хэвлэлд зарж байсан удаатай. Харин Шакира найз залуутайгаа авахуулсан энэ зургаа шүтэн бишрэгчдэд зориулан интернэтэд тавьсан юм байна.
Шакира хөхөвч зүүж, чөлөөтэй юбка өмсөж зургаа авахуулжээ. Харин Пике хайртынхаа гарыг нь атгасан аж. Анхныхаа хүүхдийг хүлээж буй хос Габриель хэмээх нэрийг хүүхдэдээ өгнө гэж төлөвлөөд байгаа сурагтай. Тэд хүүхдээ таатай тухтай орчинд өсгөхийн тулд хэдэн сарын өмнө Барселона хотноо тансаг харш худалдан авсан юм.
www.URLAG.mn
