“UBS” телевизээс санаачлан зохион байгуулдаг “Universe Best Songs” наадам 5 дэх жилдээ зохион байгуулагдах гэж байна. Авъяаслаг, өөртөө итгэлтэй, дуулах хүсэл сонирхолтой 16 -аас дээш насны хэн бүхний өмнө үүд хаалга нь үргэлж нээлттэй байдаг тус наадмын албан ёсны хэвлэлийн бага хурал өнөөдөр 14:00 цагт ”Мongol news” төв дээр боллоо. Хэвлэлийн хуралд “UBS” телевизийн хөтлөгч Э.Гантулга, Маркетингийн албаны дарга Б.Батсайхан, Ерөнхий редактор Ө.Гэрэлтцэцэг, Ерөнхий найруулагч Д.Отгонзаяа, “Universe-Best Songs 2012” наадмын Гран При шагналтан Э.Төгсбаяр нар оролцож “Universe-Best Songs 2013” наадмын талаар дэлгэрэнгүй мэдээллийг хүргэсэн юм.
Түүнчлэн “Universe-Best Songs 2012” наадмын Гран При шагналтан Э.Төгсбаяр тус наадмын тухай сэтгэгдлээ чөлөөтэй илэрхийлсний зэрэгцээ БНСУ-д суралцахаар тун удахгүй хүлгийн жолоо залах гэж байгаагаа ч зарлаад авсан. Мөн Э.Төгсбаяр 2013 онд шинээр тодрох дүү Гран При шагналтандаа өөрийн зүгээс бэлэг өгөхөө ч амласан юм.
"Хайрлая, хүндэлье, инээмсэглэе" уриатаагаар зохион байгуулагдаж буй “Universe-Best Songs 2013” наадмын шагналын сан нь өмнөх жилүүдийнх шигээ өндөр байгаа бөгөөд
Гуравдугаар байр– 2 сая төгрөг, БНСУ-ын “Дүүвөн” Техникийн их сургуульд 6 сар суралцах эрх /байрны үнэ багтсан/, мэргэжлийн студид клип бүтээлгэх эрх,
Хоёрдугаар байр– 3 сая төгрөг, БНСУ-ын “Дүүвөн” Техникийн их сургуульд нэг жил үнэ төлбөргүй суралцах эрх, мэргэжлийн дуу бичлэгийн студид бичлэг хийлгэх эрх /байрны үнэ багтсан/
Нэгдүгээр байр– 5 сая төгрөг, БНСУын “Конгжу” их сургуульд 3 жил үнэ төлбөргүй суралцах эрх /байр хоолны үнэ багтсан/, гадаадын улс орноор аялж, супер оддын тоглолтыг хоёр хөтлөгчийн хамтаар үзэх эрхийн эзэн тус тус болно.
Түүнчлэн “Universe-Best Songs 2013” наадмын бүртгэл өнгөрсөн оны 12 дугаар сарын 19-өөс эхэлсэн бөгөөд энэ сарын 25 хүртэл өдөр бүр “UBS” телевизийн байранд явагдах ажээ.
“Universe Best Songs-2013” наадамтай холбоотой илүү дэлгэрэнгүй мэдээллийг 77001177, 1951, 99050712 дугаарын утаснаас лавлаарай.
Та бүхнийг урлагийн тэнгэр ивээг…
www.URLAG.mn
