“Камертон” хамтлаг “18 нас” дууныхаа ойг тэмдэглэхээр болжээ. Тэдний хамгийн хит дуу бол 18 нас цомогт нь багтсан 18 нас дуу билээ.
Тэд 18 нас дууныхаа ой болон хамтлагийн 18 насны ойг тохиолдуулан шинэ цомог гаргахаар зэхэж байна. “Камертон” хамтлагийнхан цомгоо ирэх зургадугаар сард багтаан гаргах төлөвлөгөөтэй байгаа гэнэ. Одоогоор цомог дуу бичүүлэх ажилдаа орсон бөгөөд цомгийн ажилд яарахгүй байгаа аж. Монголын номер нэг “Boy Band” гэгддэг “Камертон” –чууд маань 17 насныхаа төрсөн өдрийг найз нөхөд болон фенүүдтэйгээ хамт “I loft function house” club-д нижгэр тэмдэглэн өнгөрүүлсэн. Харин 18 насныхаа төрсөн өдрийг хэрхэн тэмдэглэх нь нууц хэвээр байна.
B production, Боловсрол суваг телевиз, Music box суваг хамтран шилдэг, шинэ залуу Boy band төрүүлэх зорилготой “Камертон 2” төслийг амжилттай хэрэгжүүлсэн билээ. Тэгвэл “Камертон” хамтлагийн 18 насны ойгоор тус шоуныхон ямар гэнэтийн бэлэг барих нь таавар мэт байгаа юм. Ямартай ч тус хамтлагийн залгамж халаа болсон залуучууд ямар гэнэтийн бэлэг барихыг хүлээх л үлдэж байна.
