Монгол Улсын гавьяат жүжигчин, Дуурь бүжгийн эрдмийн театрын гоцлол дуучин Э.Амартүвшин Испанид болж буй дэлхийн алдарт тенор “Francesc Viсas”-ын нэрэмжит олон улсын дуулаачдын уралдааны хоёрдугаар байрт шалгарчээ. Энэ сарын 13-нд тус уралдааны хагас шигшээ шалгаруулалт эхэлсэн бөгөөд шилдэг 40 уран бүтээлч өрсөлдсөн. Харин финалын шатанд шилдэг 17 уран бүтээлч шалгаран үлдээд байсан юм.
Сонгодог урлагийн мастерууд дуучин Э.Амартүвшинг “Финалд шалгарагсдаас тэргүүн байрын төлөө үзэлцэх хүчтэй өрсөлдөгчийн нэг” хэмээн дүгнэж байсан. Уралдааны эцсийн дүнгээр Литвийн дуучин Katerina Tretyakova, польшийн дуучин Michal Jakub Partyka нар тэргүүн байр эзэлжээ. Харин МУГЖ Э.Амартүвшин дэд байрын шагналыг орос ариг хамгийн сайн дуулж тусгай байр, мөн нэмэлт шагнал гардсан байна.
Уг уралдааны тэргүүн байр буюу алтан медалийн эзнийг 20 мянган еврогоор шагнаж, Мадридын “Teatro Real”-ын дараагийн улирлын тоглолтын гэрээнд гарын үсэг зурах эрх дагалдаж буй. Харин мөнгөн медалийг арван мянган евро дагалдаж буй аж.
