Монголын нууц товчоо бол Монголын их хаадын угсаа гарвал, монголчуудын ахуй амьдрал, үндэсний түүх, хэл бичиг, ардын аман зохиол, бөө мөргөл, зан заншлын их нэвтэрхий толь, монгол хэлний үгийн урлагийн сонгодог бүтээл, эрин зууныг эзэлсэн их туульс, түүх, он цагийн дарааллын бичиг билээ.Бичиг соёлын түүхэн дурсгал болох Монголын нууц товчоогоор “Бичиг соёл” төвийн уран бүтээлчид сүүлийн хоёр жилийн хугацаанд Тамгат, Их Монгол, Түүхэн цаг, Хүлэг баатрууд, Шүтээн, Тэнгэрийн Хас нэрт Монголын нууц товчоог бүхэлд нь багтаасан зургаан бүтээл туурвижээ.Эдгээр бүтээлийг дэлгэсэн “Монголын нууц товчоо Монгол бахархал” үзэсгэлэн энэ сарын 25-ныг хүртэл Уран зургийн галерейд үргэлжилнэ.Мөн бэхэн зураг, каллиграфын бүтээлүүдийг эндээс сонирхож болох бөгөөд түүх соёл, монгол бичгээрээ бахархаж, сурч мэдэх хүсэл тэмүүлэлд таныг хөтлөх бүтээлүүдтэй танилцахыг хүсвэл энэ сарын 25-наас өмнө амжиж Уран зургийн галерейг зориорой.
www.URLAG.mn
