Хятадад өдөрт л арваад кино нээлтээ хийж байгаа нь кино театрыг зорих хүмүүсийн тоог нэмэгдүүлжээ. Хятадын кино урлагийн салбар эрчимтэй хөгжиж байгаа ч дэлхийн хэмжээний зах зээлтэй болохын тулд илүү их хүчин чармайлт гаргах шаардлагатай байна.
Кино наадам, нээлтийн үйл ажиллагааны үеэр гарч ирж буй Хятадын кино жүжигчид, уран бүтээлчдийг хараад тус улсын кино урлагийн салбар таны хувьд танил бус санагдаж магадгүй. Харин Хятад улс өнөөдөр кино үйлдвэрлэлээрээ дэлхийд гуравдугаарт орж байна. Гэвч гадны хүмүүсийн хувьд Хятадын кино урлагийн хөгжил илэрхий анзаарагддаггүй юм. Энэ бол Хятадын удирдагчийн өөрчлөлт хийхийг хүссэн салбаруудын нэг.
Өнгөрсөн жилийн байдлаар Хятадад 900 сая кино хийгджээ. Маш олон тооны кино хийгдэж байгааг дагаад кино сонирхогчдын тоо ч эрс нэмэгджээ. Өнгөрсөн жил л гэхэд Хятадын кино театрууд 2.7 тэрбум долларын тасалбар худалдаалснаараа дэлхийн хэмжээнд тус улсын кино урлагийн зах зээл хоёрдугаарт орсон байна. Гэвч эрх баригчдын хяналт, хатуу хязгаарлалт кино урлагийн салбарт үйлчилсээр байгаа нь Хятадын кино экспортод саад учруулж байгаа юм.
Эх сурвалж: time.mn
