“LVA entertainment”, “Absolute Pictures” болон “Logic Film”-ийн уран бүтээлчид хамтран "Дурлалын гэмт хэрэг" нэртэй уран сайхны киноны ажилдаа оржээ. Тус киноны ерөнхий найруулагчаар “Absolute Pictures”-ын найруулагч П.Дэлгэрбаяр, ерөнхий зураач Ц.Хүрэлбаатар, ерөнхий оператор Э.Нэргүй, продюсераар “LVA entertainment”-ыг үүгэн байгуулагч “Guys”-ын дуучин, жүжигчин, продюсер Д.Лхагва нар ажиллаж байгаа аж. Киноны гол дүрд “Guys”-ын дуучин, жүжигчин Д.Лхагва, Берлиний кино драмын сургуулийн кино жүжигчний ангийг энэ жил төгссөн залуу жүжигчин Г.Ариунболор, “Адам”-ын гол дүрийг бүтээсэн жүжигчин А.Баттүшиг, “Үл таних эмэгтэй”, “Эзэнгүй бөгж”, “Өдөр өдрийн нар”, “Ану хатан” зэрэг дэлгэцийн олон дүрээрээ олны танил болсон жүжигчин О.Долгор, жүжигчин Н.Ялалт, жүжигчин М.Төгөлдөр нар тоглож байгаа юм. Уг киноны зураг авалт энэ сарын 8-нд эхэлсэн аж.
www.news.mn