Латин Америкийн алдарт жүжигчин Шакира өчигдөр амаржиж, хүсэн хүлээж байсан хүүгээ төрүүлжээ. Дуучин бүсгүй Испанийн Барселон хотод нэгдүгээр сарын 22-ны орой 9 цаг 36 минутад амаржиж, 2,8 кг эрүүл саруул хүү төрүүлжээ. Хүүг төрмөгц нэр хайрлажээ. Тэд хүүдээ Милан Пике Мебарак гэж эртнээс бодож явсан нэрээ хайрлажээ. Энэ тухай дуучны зарласан мэдэгдэлд “Милан хүү маань яг л аав шигээ, хорвоод мэндэлмэгцээ “FC Barcelona”-гийн гишүүн боллоо” гээд “Хүүгийн маань Милан гэдэг нэр бол Эртний Ромын Слав хэлээр хүндэтгэлтэй, хайрламаар, Санскрит хэлээр зоригтой, хөдөлмөрч гэсэн утгатай юм” хэмээн тайлбарлажээ.
35 насандаа анхны үрээ төрүүлж буй дуучин бүсгүй амаржихаасаа дөрвөн цагийн өмнө Твиттертээ бичихдээ “Амьдралын минь энэ онцгой өдөр миний төлөө залбирч өгөөч” гэж хүссэн юм. Милан хүү түүний хувьд ч, түүний найз залуу 25 настай Жерард Пикегийн хувьд ч анхны хүүхэд нь юм.
www.URLAG.mn
