Дэлхийг тойрон аялах “Born This Way Ball” тоглолтоо үргэлжлүүлж, Европ тивээр аялж яваа дуучин бүсгүй цаашид жазз стилиэр дуулахаар шийдсэн эрс зоримог шийдвэрээ фенүүддээ дуулгажээ. Тоглолтын үеэр зарласан түүний шийдвэр цаанаа бас их учиртай гэнэ. Дуучин бүсгүй “You and I” дууныхаа жазз хувилбарыг бичүүлсэн нь түүний сэтгэлд хүрсэн тул жазз стиль жанраар дуулж, шинэ салбарт хүч сорихоор шийдэв бололтой. Анхны жазз дууныхаа талаар Леди Гага twitter хуудсандаа “Жазз бүрээчин Брайн Ньюмантай хамт уусан “хэтэрхий их виски”-ний ачаар жазз дууны аранжировк бий болсон” хэмээн бичжээ. Харин Ньюман Леди Гагатай хамтран ажиллах маш таатай байсныг дурдсан байна. Дуучин бүсгүй анхны жазз бүтээлдээ тунчиг хангалуун байгаа ба цаашид бүхэл бүтэн жазз цомог гаргахаар төлөвлөсөн гэнэ. Цомгийн ажил хэдийнэ эхэлсэн тул Леди Гагад уран бүтээлийн онгод, бас онгод төрүүлэх виски хангалттай байгаасай гэж ерөөе.
