Холливудын нэрт жүжигчин Анжелина Жоли US Magazine-д гэр бүлийнхээ талаар дэлгэрэнгүй ярилцлага өгчээ. Олон нийт түүнийг од хэмээн хардаг бол хүүхдүүд нь түүнийг энгийн хүн гэдгийг өдөр бүр ойлгуулдаг тухай Жоли ярьсан байна.
“Олон хүүхэдтэй байхын гол давуу тал бол үргэлж чамайг энгийн хүн гэдгийг байнга ойлгуулдаг явдал. Байнга л хүүхдүүдээ 00-д дагуулан очиж, усанд оруулах шаардлага гардаг нь намайг эхний ээлжинд эх хүн гэдгийг мэдрүүлдэг. Ингээд байхаар саяхан л од байсан хүн чинь шууд газар дээрээ буучихаж байгаа юм шүү дээ” хэмээн Анжелина инээмсэглэн ярьжээ.
“Би хүүхдүүдтэйгээ найзууд шиг байх дуртай. Би хувь заяандаа итгээд, хүлээгээд суудаг хүн биш. Мөн хувь заяанаасаа зугтаж оддог ч хүн биш. Хүүхдүүдээ би заримыг нь өөрөө төрүүлж, заримыг нь өөр өөр улсаас үрчилж авсан ч гэсэн тэд яг л намайг хүлээж байсан шиг санагддаг. Хүүхдүүдээ харах тоолондоо би үүнийг мэдэрдэг. Жам л гэж энэ байх. Өмнө нь би амьдрал ийм сайхан болчихно чинээ төсөөлж явсангүй” хэмээн Анжелина Жоли ярьжээ.
Анжелина Жоли, Брэд Питт нар одоогоор зургаан хүүхэдтэйгээс гурав нь төрсөн, гурав үрчилж авсан хүүхдүүд. Саяхан Star сэтгүүл нүүрэндээ Жолигийн зургийг тавиад “Би жирэмсэн” гэж гарчиглажээ. Гэлээ ч Анжелина ярилцлагадаа хөл хүндтэй болсон эсэх талаараа огт дурсалгүй өнгөрсөн байна.
www.new.mn
