Холливудын залуу жүжигчин “Twilight”-ийн од Кристен Стюарт Америкийн нэрт зохиолч Жек Керуакийн “On The Road” романаас сэдэвлэсэн найруулагч Волтер Сэллисийн “On The Road” нэртэй кинонд өнгөрөгч онд тоглосон билээ. Тэрээр энэхүү кинонд тоглосныхоо дараа “Бүжиглэх бол миний хувьд нүцгэн харагдахаас илүү хэцүү байсан” хэмээн ярьжээ. Уг кинонд хар тамхинаас эхлээд нийгмийн олон янзын ээдрээт үзэгдлүүдийг өгүүлдэг. Өдгөө 22 настай жүжигчин тус кинонд Америкийн залуу жүжигчин Гаррет Хедлундтай хамтран тоглосон юм.
Кристен “W” сэтгүүлд өгсөн ярилцлагадаа “Хүн бүр энэ киноны талаар надаас олон зүйл асууж байсан. Гэхдээ миний хувьд өөрийн зан араншингаас нилээд өөр дүрд тоглосон ч надад бүжиглэх л хамгийн хэцүү санагдаж байсан” хэмээн ярьжээ.
www.news.mn
