Урлаг соёлын мэдээ мэдээллийн нэгдсэн www.URLAG.mn сайтаас санаачлан 2013 оны 01 дүгээр сарын 10-аас эхлэн “Mobile news” буланг нээсэн бөгөөд сүүлийн үед хэвлэл мэдээллийн хэрэгсэлүүдээр сенсааци тарин цацагдаж буй цаг үеийн мэдээ мэдээллийг эздээс нь тодруулга мэдээ хэлбэрээр утсаар авч уншигчдад үнэн зөвөөр түргэн шуурхай мэдээлэхийн зэрэгцээ олныг шуугиулж сенсааци тарих бүх төрлийн үнэн зөв мэдээ мэдээллийг уншигч хэрэглэгчдээс шууд утсаар авч олон нийтэд түргэн шуурхай мэдээлэх онцлогтой булан юм.
Энэ удаагийн “Mobile news”-ийн эзнээр Монголын рок поп урлагийн ихэмсэг хадагтай, зууны манлай эстрадын дуучин, поп хатагтай МУГЖ Б.Сарантуяа оролцож уншигч түмэндээ "МУГЖ Б.Сарантуяа маргааш сэтгүүлчидтэй үдийн зоог барина" гэсэн гарчигтай мэдээллийн тодруулгыг хүргэлээ.
Түүнтэй холбогдож мэдээллийг тодруулахад маргааш буюу 01 сарын 30-ны 12:00 цагаас Чин Ван Ханддоржын өргөөнд урлаг соёлын мэдээ мэдээллийн чөлөөт сэтгүүлчдийг үдийн зоогонд урьсан гэнэ. Тэрээр сэтгүүлчидтэй энгийн сайхан нөхөрсөг уулзалтыг зохион байгуулж уран бүтээлийн болоод ажил хэргийн шинэ, сонирхолтой яриа өрнүүлэх юм байна.
Ийнхүү сүүлийн үед нам гүмхэн байсан поп хатагтайн хэвлэлийн хурлын тун сонирхолтой санаагаа ажил хэрэг болгож сэтгүүлчидтэй үдийн зоогийг хамт барихаар болжээ.
“Mobile news”-ийг бэлтгэсэн: www.URLAG.mn сайт
Э.Цэнд-Аюуш