“Зөрүүд эрийг номхотгосон нь” киноны дүрээрээ манай үзэгчдийн танил болсон Италийн нэрт жүжигчин Орнелла Мути энэ жил 57 нас хүрсэн ч гэсэн амрагийнхаа дэргэд “бенц” дотоож өмсөж, гэрэл зурагчдын дуранд өртөнө гэхээс эмээсэнгүй.Хэдхэн хоногийн өмнө Германы Кёльн хотноо Lambertz Chocolate&Fashion Party хэмээх үдэшлэг зохиогдоход Орнелла рекламын ажлаар очжээ. Гэхдээ зүгээр ч нэг очсонгүй, энгэр задгай даашинзаар гоёсон нь дөнгөж 30 хүрч буй бүсгүй шиг харагдуулж чадсан гэнэ.Орнелла Мутиг 57 настай гэвэл зургийг нь хараад итгэх хүн бараг гарахгүй биз. Учир нь тэр одоог хүртэл эрчүүдийн харааг булаасан эмэгтэй хэвээрээ байгаа юм. Орнелла сүлжээний дэлгүүрийн бизнесээр гаршсан Фабрис Керерветэй найзалдаг. Тэд саявтархан усан онгоц дээрээ амрах үест Мути “бенц” дотоож өмсөж, биеэ наранд шарахаар гарч иржээ. Папараццчид ч Орнеллагийн тайчих л мөчийг хүлээж байсан тул тэр даруй олон зураг дарж, хэвлэлээр дэлгэж орхисон юм. Гэлээ ч Орнелла үүнд огт эмзэглээгүй гэнэ. Үнэхээр 60 хүрч буй насандаа 30-тай бүсгүй шиг харагдаж буй хүн юундаа ч эмзэглэх билээ.
www.new.mn
