Apple-ийн үүсгэн байгуулагч агсан Стив Жобсын намтраар бүтээж буй уран сайхны кинонд Эштон Катчер гол дүр бүтээжээ. Түүнийг Жобсын залуу насны төрхтэй эндүүрмээр ижилхэн гэж үзсэн тул гол дүрийг найдаж өгсөн юм. Эштон ч дүрийг бүрэн амилуулахын тулд Жобсын олон арван ярилцлагыг үзэж, яриаг нь дууриахын зэрэгцээ алхаа гишгээг нь хүртэл нарийн давтах болжээ. Үүнээс гадна дүрдээ бүрэн орохын тулд Жобсын адил зөвхөн жимсээр хооллодог болсон аж. Гэтэл Катчерын ходоод Жобсын хоолны дэглэмийг барьж дийлэлгүй өвдсөн тул эмнэлэгт хэвтэхээс аргагүйд хүрчээ.
“Ходоод маань их хүчтэй өвдсөн. Үнэхээр айсан шүү. Бүр өвчнөөсөө болоод эвхрээд уначихсан” хэмээн Эштон Катчер өгүүлсэн байна.
Жобс ходоодын хавдрын улмаас 2011 онд таалал төгссөн. Гэтэл Эштон Катчер түүний хоолны дэглэмийг яг дагаад мөн ходоод нь өвдсөн явдал олны анхаарлыг гойд татаад байгаа юм байна. Эмч нар Жобсын өвчнийг жимс жимсгэнээр хооллодогтой огт холбон тайлбарлаж байгаагүй ажээ.
Катчерын тоглосон “Жобс” хэмээх кино нэгдүгээр сарын 25-нд “Сандэнс” кино наадмаар анх үзэгчдийн хүртээл болсон. Тус кинонд Apple-ийн суут зохион бүтээгчийн 1971-2000 он хүртэлх амьдралыг өгүүлсэн юм байна.
Р.Гэгээ
