Ерөнхийлөгч Барак Обамагийн тангараг өргөх ёслолын үеэр алдарт дуучин Бейонсе Ноулз АНУ-ын төрийн дууллыг “ам барьж” дуулсан гэдгээ хүлээн зөвшөөрчээ. Тэрбээр цаг агаар хүйтэн байсан мөн Тэнгисийн явган цэргийн оркестртой сургуулилт хийх цаг бага байсан гэх шалтгаанаар “амьдаар” дуулж чадаагүй байна.Түүнийг төрийн дууллыг маш сайн дуулсан хэмээн шүүмжлэгчид үнэлж байсан юм. Гэтэл Тэнгисийн явган цэргийн албаны нэгэн эмэгтэй “Times” сонинд өгсөн ярилцлагынхаа үеэр “Бейонсе сүүлийн үед фонограмм дээр “ам барьж” дуулах гээд байдаг болсон” гэж ярьсан юм.АНУ-ын ерөнхийлөгчийн тангараг өргөх ёслолын үеэр фонограмм дээр дуулах, хөгжимдөх явдал нэг бус удаа тохиолдож байжээ. Тухайлбал, Обамагийн 2008 оны тангараг өргөх ёслолын үеэр хийлч Йо Йо Ма цаг агаарын байдлаас шалтгаалаад фонограмм дээр хөгжимдөж байжээ.
Б.Соёлмаа
