“Тэр бол миний амьдралын хамгийн аймшигтай үе байсан” хэмээн нэрт дуучин Бейонсе дөнгөж хэвлийдээ тээж эхэлсэн хүүхдээ алдсан тухайгаа ам нээжээ. Бейонсе өмнө нь энэ гунигт явдлынхаа талаар нэг ч удаа ам нээж байгаагүй юм. Түүний тухай “Life is but a dream” хэмээх баримтат кино бүтээхэд дуучин бүсгүй өөрийнхөө амьдралын баяр, гунигтай мөчүүдээс олон дэлгэжээ.
Түүний нөхөр Жей Зи яагаад нэгэн эмнэлгийн бүтэн давхрыг хамгаалалт авахуулж, Бейонсегийн биеийн хамгаалуулсны учир Бейонсегийн ярьсан гунигт түүхээс тодорхой болох ажээ.
Бейонсе Жей Зи нар 2008 онд гэрлэсэн. Харин охин Блю Айви нь 2012 оны нэгдүгээр сарын 7-нд хорвоод мэндэлсэн юм. Охиноо төрүүлэхээс өмнө Бейонсе хөл хүнд болсон ч хүүхдийнх нь зүрх зогсож маш хүнд байдалд оруулсан удаатай юм байна.
“Би анх хоёр жилийн өмнө жирэмсэлсэн. Хүүхдийн минь цохилж буй зүрхний дуун надад хамгийн сайхай хөгжим шиг сонсогдож байлаа. Урьд нь би тийм сайхан аялгуу сонсоогүй байж. Түүндээ нэр бодож, хэнтэй минь адилхан төрөх бол хэмээн баясан бодолхийлж явдаг байлаа. Эх хүний мэдрэмж тэр мөчөөс төрж эхэлж байв” хэмээн Бейонсе өгүүлж байна.
Аз жаргалдаа умбаж явсан бүсгүй гэнэт нэгэн өдөр хэвлий дэх хүүхдийнх нь зүрх цохилохоо больчихсныг эмчийн амнаас мэджээ.
“Хүүхдээ алдсан нь миний амьдралын хамгийн аймшигтай үе байсан. Тэр үед би хөгжмөөс тайтгарлыг олсон. Тиймээс ч тухайн үеийн дуунууд минь их гунигтай болсон” гэж тэрээр ярьсан байна.
Гэвч нэг их удалгүй Бейонсе дахиад жирэмсэлснээ мэдэв. Жей Зигийн магнай дахин тэнийж, энэ удаад хүүхдээ хэрхэвч алдаж болохгүй хэмээн эмнэлгийг бүтэн давхрыг түрээслэн, эх үр хоёрынхоо төлөө бүхнийг хийсэн юм. Эмнэлгийн үүдээр хүртэл хүн ороход шалгаж буй олон хүн уурласан. Гэвч бэлтэй Жей Зи хорвоод мэндэлх үрийнхээ төлөө тэр уур цухлыг огт тоогоогүй юм.
“Дахиад жирэмслэхдээ би яг л анх ухаангүй дурласан үеийнх шигээ мэдрэмжийг мэдэрсэн. Тэр аз жаргалыг үгээр илэрхийлэхэд үнэхээр хэцүү санагдсан. Эхэндээ би дахиад алдчихвий гэж их айсан. Гэхдээ өмнөх явдлаас би маш их сургамж авсан тул бүгдийг ном ёсоор нь хийсэн. Бурхан надад гайхалта бэлэг барьж, гайхамшгийг бүтээхийг минь зөвшөөрсөнд би талархаж байлаа” хэмээн Бейонсе өгүүлжээ.
Охинтой болсны дараагаар бүх зүйл сайхан байсангүй. Хэвлэлийнхэн Бейонсег өөрөө төрөөгүй харин тээгч эхээр охиноо төрүүлүүлсэн хэмээн “хардсан” юм. Үүнийг дуулсан Бейонсе “Энэ бол миний урьд нь огт сонсож байгаагүй тийм увайгүй худал мэдээлэл. Тэнэг цуу тараасан хэрэг. Эцсийн эцэст би тийм ч их хувиа хичээсэн хүн биш шүү дээ” хэмээн Бейонсе өгүүлж байна. Түүний амьдралын тухай өгүүлсэн баримтат кино мөд дэлгэцнээ гарах ажээ.
www.URLAG.mn
