Монгол түмний дуу хуур, хөгжим бүжгийн их гайхимшигийг үзэгч түмнээ өргөн барихаар Монгол Улсын Ерөнхийлөгчийн ивээл доор, Төрийн соёрхолт, МУГЖ Д.Сосорбарамын санаачлагаар ардын язгуур урлагийн хамтлагуудын тоглолт нэгдсэн 2 дахь жилдээ зохион байгуулагдаж өчигдөр эхний тоглолтоо хийсэн юм. МҮЭСТО-нд тоглогдож буй "Монгол төгсөшгүй" тоглолтын Ерөнхий найруулагчаар Төрийн соёрхолт, МУГЖ Д.Сосорбарам, туслах найруулагчаар Нийслэлийн Улаанбаатар чуулгын бүжиг ангийн дарга МУСТА Д.Энхгэрэл, Уран сайхны удирдаачаар Д.Ариунболд, Ерөнхий зураачаар А.Аюушжав, Гэрлийн техникч Б.Даваа нар ажиллаж байгаа ажээ.
Тус тоглолт өнгөрсөн жил 5 хамтлаг оролцож байсан бол энэ жил 2 хамтлагаар нэмэгдэн 7 хамтлаг оролцож байгаа бөгөөд хамтлагууд нь Алтан Ураг, Арга Билэг, Бөртэ, Домог, Жонон, Тэнгэр Аялгуу, Хөсөгтөн хамтлагууд оролцож байгаа билээ. Энэхүү хамтлагууд өөр өөрсдийн гэсэн онцлогтой бөгөөд язгуур урлагийн төрлөөр уран бүтээлээ туурвиж эх орондоо төдийгүй дэлхий дахинаа ардын язгуур урлагийн нэрийг гаргаж яваа авъяастнууд юм.
Ийнхүү ардын язгуур урлагийн гайхимшиг болсон "Монгол төгсөшгүй" тоглолт МҮЭСТО-нд 2013 оны 02 дугаар сарын өнөөдөр сүүлийн өдрөө 19:00 цагаас эгшиглэнэ.
Та бүхнийг урлагийн тэнгэр ивээг…
www.URLAG.mn