Леонардо Ди Каприо Лукас Хаасын хамт
Бүсгүйчүүдийг бээлий шигээ сольдог эрийг Леонардо Ди Каприо л гэдэг байх. Гэхдээ нэрт жүжигчин энгийн бүсгүйчүүд бус бүр нэртэй, үзэсгэлэнтэй бүсгүйчүүдтэй найзалдгаараа дэлхий дахин бүр танигдчихжээ. Сүүлд Ди Каприо загвар өмсөгч Эрин Хизертонтой амрагийн харилцаатай болж, хэдэн сар найзалсан. Гэвч түүнийг солих цаг нь ирсэн бололтой, ойрын хэдэн өдрүүдэд Австралийн жүжигчин бүсгүй Марго Роббитой зугаалах болжээ. Тэд “Уолл-Стритийн чоно” киноны зураг авалтын үеэр танилцсан гэнэ. Одоогоор Леонардо шинэ найз бүсгүйнхээ хамт Майамигийн эрэг дээр амарч байгаа юм байна. 38 настай жүжигчин эрийн шинэ найз бүсгүй нь 22 настай. Тэд Майами дахь зочид буудлын өрөөнийхөө тагтан дээр хамтдаа гарч ирэх үед папараццчид зургийг нь дарж амжжээ.
Гэвч сүүлийн үед Леонардо Ди Каприогийн бэлгийн чиг хандлагын тухай жигтэй мэдээллүүд цацагдах болсон. Түүнийг үнэндээ жүжигчин Лукас Хаастай сүүлийн найман жилийн турш найзалж байгаа гэж нэгэн хэвлэлд бичсэн нь дуулиан тарьсан юм. Харин загвар өмсөгч, жүжигчин хүүхнүүд бол үүнийг нуух, хаах арга төдий гэнэ. Сонирхолтой нь Майамид ч Ди Каприо Лукас Хаасын дэргэд байгаа ажээ.
Леонардо Ди Каприогийн ээлжит бүсгүй Робби Марго
www.new.mn
