Дуучин Бритни Спирс хэдхэн хоногийн өмнө найз залуу Жейсор Трейвикээсээ харилцаагаа тасалсан ч огтхон ч гуньж, гутралгүй харин ч ажил хэргээ ахиулж, цовоо сэргэлэн яваа гэнэ. Тэрээр мөдхөн Лас-Вегасын нэгэн казинотой жилийн 100 сая ам.долларын гэрээ байгуулж магадгүй байгаа гэнэ. Хэрвээ энэ гэрээ байгуулагдвал Бритни бүтэн жилийн турш Лас-Вегасын казино дуулах юм байна. Үүнийг дагаад тэрээр Лас-Вегаст шилжин амьдрах ажээ.
“Тийм ээ, тиймэрхүү гэрээний тухай яригдаж байгаа. Гэхдээ гэрээ байгуулчихвал Бритни өдөр бүр казинод дуулна гэсэн үг биш шүү дээ. Хааяа нэг л дуулах учиртай. Бритнийг өдөр бүр дуулуулна гэсэн гэрээ хийж чадах нэг ч байгууллага дэлхийд байхгүй биз” хэмээн Спирсийн ойрын гэх эх сурвалж мэдэгдсэн байна.
Дуучдаас Селин Дион хэдэн жилийн өмнө нэгэн казинотой гэрээ байгуулж, дуулсан туршлага байдаг. Тэрээр долоо хоногт таван удаа казинод дуулахдаа нэг дууныхаа төлөө тус бүр 20 мянган ам.долларын урамшуулал авч байжээ.
Р.Гэгээ
