Дэлхийн хамгийн үнэтэй уран зургаар Францын импрессионист зураач Пол Сезаны “Хөзөрчин” гэдэг бүтээл тодорсон байна.
1890 онд туурвисан эл бүтээлийг зураачийн удмынхан өнгөрсөн онд Арабын хаан угсааны нэгэн гэр бүлд 250 сая ам.доллараар зарсан аж. Дэлхийн хамгийн үнэтэй 10 уран зургийн жагсаалтыг www.telegraph.co.uk цахим хуудас гаргахад энэ зураг тэргүүлжээ.
Харин Америкийн хийсвэр экспрессионизмийн гол төлөөлөгч Жексон Поллокын 1845 онд бүтээсэн “No 5” зураг 2006 онд “Sotheby” компанийн дуудлага худалдаагаар 140 сая ам.долларын үнэд хүрсэн нь удаах байранд орсон аж. Тэрбээр зотонгоо газар тавиад будгаа дээр нь асган уран бүтээлээ туурвидгаараа онцлог нэгэн.
Үүний дараагаар Виллем де Кунингийн 137.5 сая ам.долларын үнэд хүрсэн “Эмэгтэй III”, Густав Клитмын 135 сая ам.доллараар зарагдсан “Адель Блох Бауэр I”-ийн хөрөг багтжээ.
Б.Дөлгөөн
