Монголын радиогийн сонсогчдыг дахин сэргээж шинэ уур амьсгалыг бий болгож чадсан Радио жүжгийн Бундын тамга хамтлаг Тайзны урлагаар үзэгчдэд бэлэг барихаар ажиллаж байна. Байгуулагдаад 5 жилийн нүүр үзэж буй Бундын тамга хамтлаг нь Дархан Хотын ЛХА ТЭНГЭР FM 107.5 -с гаралтай гэнэ. Тэднийг эхэндээ 10-н жилийн хүүхэд багачууд Оюутан залуус л сонирхон сонсдог байсан бол өдгөө нас харгалзалгүй Даваа, Лхагва, Баасан гаригуудад үдшийн 21 цагаас 98.9 радиог тааруулан чих тавин суудаг болсон билээ. Үүгээр ч зогсохгүй нийгмийн аль ч давхрагт тэдний ухаарал хайрласан бүтээлүүд нэвт хүрдэг нь хорих ангиуд, хүүхдийн асрах, урлаг соёлийнхон гээд л анхааран сонсох хүн бишгүй л байх юм. Тэдний сүүлийн үеийн мэдээнээс дуулгахад “Эв Эе” продакшнг байгуулан 2013 оны 02 сарын 16-19 ний өдрүүдэд Тусгаар Тогтнолын Ордонд "Бороонд норсон сүүлчийн навч" нэртэй мюзиклийг сонсогч үзэгчиддээ зориулан хүргэх гэж байгаа гэнэ. Монголын урлагт тэр тусмаа тайзны урлагт хэт хаягдсан жанр болох Мюзикл драммыг дахин сэргээж манай оронд тавигдаж буй 2 дахь бүтээл болж байгаа нь олзуурхууштай. Тоглолтын сонин хачинаас дуулгахад Grand Film продакшны захирал МУСТА У.Батбаатар тайзан дээр хурим зохион байгуулах сурагтай. Радио драммыг Монгол оронд төдийгүй Ази тивд нэвтрүүлж буй залуус маань цааш цаашдаа ч мюзикл жанрийг орхихгүй ажиллана гэдэгээ ч мэдэгдсэн. Энэ тоглолтынхоо араас Эх орон телевизтэй хамтран "Дунд Урсгал" хэмээх 16 ангит сериал киног бүтээнэ гэнэ шүү.
www.URLAG.mn
