Өдгөө 44 настай ч залуу, эрч хүчээр дүүрэн харагдах дуучин Жениффер Лопез шинэхэн амьдралаа зохиогоод нэлээн хэдэн жилийг ардаа орхижээ. Тэр одоо хоёр хүүхдийн ээж, олны хайртай дуучин хэвээр байсаар. Ингээд түүний хувийн амьдралын талаархи ярилцлагыг орчуулан хүргэж байна.
-Хоёр ихэр төрснөөр амьдралд тань томоохон эргэлт гарсан байх?
-Хүн хүүхэдтэй болохоор бүх л зүйлээ тэдэндээ зориулахыг чин сэтгэлээсээ хүсдэг юм байна. Хэдийгээр бүх зүйлээ өгч байгаа ч гэсэн эцэг, эх нь байж чадахгүй байгаа мэт сэтгэгдэл төрж ч байх шиг. Тэднийхээ төлөө бүхнийг хийхийг хүссэн, дотроос адгасан тийм нэг хүсэл мэдрэмж төрөх нь нэг бодлын сайхан ч юм шиг.
Ер нь хүнийг өөрийнх эрхгүй хичээхгүй л болохгүй гэх мэдрэмжийг төрүүлдэг юм байна. Хэдийгээр би өмнө нь охинтой болоод энэ мэдрэмжийг авч байсан ч гэсэн хэсэг хугацаанд энэ зүйлийг мартсан байж
-Та ер нь хэр “хатуу” ээж вэ?
-Би ер нь хүүхдүүддээ аль болох л зөөлөн хандаж эрхлүүлэх гээд байдаг. Мэдээж эх хүний уян зөөлөн чанар, хүүхдээ гэсэн сэтгэл л байх. Тэгээд ч би өмнө нь охин төрүүлсэн болохоор зөөлөн болчихдог байж мэднэ. Гэхдээ тодорхой хэмжээнд чанга хатуу байхыг боддог.
Мэдээж чанга хатуу байна гээд хэтрүүлэхгүй. Нөхөр маань мэдээж зарим тохиолдолд хүүхдүүддээ чанга, зөөлөн хандах асуудалд хязгаарлалт тавьж хорьдог.
-Охин, хүү төрүүлэхэд огт өөр мэдрэмж төрөв үү?
-Миний охин ер нь их зөөлөн. Би түүнийг, охин маань ч намайг сонсч ярилцдаг. Харин хүү огт өөр юм. Часхийсэн дуутай, дүрсгүй. Гэхдээ л адилхан миний хүүхэд учраас хэдийгээр чанга орилж, дүрсгүйтдэг ч хөөрхөн л байдаг.
-Таны хувьд экс нөхөр Марк Антонитойгоо ямар харилцаатай байдаг вэ?
-Бид одоо жирийн найзууд болсон. Тэртэй тэргүй бид хоёр хүүхдийн эцэг, эх шүү дээ. Гэхдээ мэдээж уулзаж, учрах тал дээр хатуу байр суурь дээр зогсдог. Тэгсэн ч яах вэ дээ. Би түүнтэй омог бардам, залуу насандаа учирч салсан, алдсан ч байж болно. Гэхдээ л тэр миний амьдралын бас л нэг хэсэг шүү дээ. Харамсах зүйл алга.
…Энэ үеэр түүний менежер Бэнни Мединатай дуучин бүсгүйн талаар хэсэг хором хөөрөлдөхөд “Тэр саяхан Vogue” сэтгүүлийн нүүрэн дээр зургаа авахуулсан. Хэдийгээр маш дур булаам, эрчтэй бүсгүй харагдаж байгаа ч гэсэн Макс, Эмми ихрүүдээ өсгөхийн хажуугаар ажлаа амжуулахаар нэлээн хичээж байгаа.
Их ажлынхаа хажуугаар тэд гэр бүлээрээ аялалд явахаа ч амжуулдаг. Хүүхдүүдээ харна, гэрийнхээ ажлыг хийнэ, загварын шоу, дуу бичлэг, клип, кино, American Idol шоуг шүүх гээд асар завгүй ажиллаж байгаа. Гэхдээ тэр ажилдаа үнэхээр дуртай дайчин эмэгтэй” гэв.
Б.Золзаяа