Монголын урлагийн тогооноос төрсөн хос дуучид нэлээдгүй бий. Харин энэ тоог нэгээр нэмээд байгаа уран бүтээлчид бол залуу дуучин Б.Болд, Л.Чулуунчимэг нар юм. Дуучин Баясгалантай андуурмаар адилхан хоолойтой гэгддэг дуучин Л.Чулуунчимэг залуу дуучин Б.Болдтой гэр бүл болж, үрийн зулай үнэрлэсэн. Бас болоогүй хоёулаа урлагийн хүмүүс гэсэндээ хамтарсан уран бүтээл хийгээд амжсан нь үзэгчдээс өндөр үнэлгээ аваад байгаа. Залуу хос уран бүтээлчдийн хамтарсан анхны уран бүтээл “Энх мэндийн хадаг” дууг яруу найрагч Начин шүлгийг нь бичиж, урлагийн гавьяат зүтгэлтэн МУУГЗ Т.Сэр-Од хөгжмийг нь зохиожээ. Хосуудын хамтран дуулж, клипжүүлэн олны хүртээл болгосон “Энх мэндийн хадаг” дуу бэлэг дэмбэрэлээ дээдэлдэг ард түмний дунд нэлээд хит болоод байгаа.
Ингээд та бүхэндээ “Энх мэндийн хадаг” дууны клипийг хүргэж байна.
Таалан соёрхон уу?
www.URLAG.mn
