Найруулагч Д.Төрмөнх шинэ уран бүтээлдээ оржээ

Сэтгүүлч, найруулагч Д.Төрмөнх “Нохойн орон”, “Талын хот”-оороо Монгол киноны түүхэнд нэг хуудас нэмсэн билээ. Түүнчлэн “Бодлын хулгайч” киноны зохиолыг бичсэнээрээ Монголын “Academy awards”-ын шагналыг хүртсэн. Тэгвэл тэрбээр ээлжит бүтээл “Ларьдма” киноны зохиолоо бэлэн болгожээ. Тус киноны найруулагч одоохондоо тодорхой болоогүй ч УДЭТ-ын Н.Наранбаатар, “Мөрөөдлийн хөлөг онгоц”, “Бодлын хулгайч”-ийн найруулагч Ж.Сэнгэдорж нарын нэг нь шинэ киног гардах төлөвтэй байгаа аж. Харин “Ларьдма”-гийн гол дүрд топ модель Д.Пүрэвсүрэн, жүжигчин Б.Навчаа нар тоглох бөгөөд зохиолын үйл явдал, чиг шугамыг одоохондоо нууцалж буй. Тус бүтээлийн зургийг ирэх хавраас авч эхлэх гэнэ.