Бүрэнхий” киногоор од болсон жүжигчин бүсгүй Кристен Стюарт “Оскар” гардуулах 85 дахь удаагийн ёслолд суга таягтай ирж, олны анхаарлыг гойд татлаа. Кристен Стюарт хэдийгээр суга таягтай ирсэн ч гэсэн улаан хивсэн дээр зураг авахуулахдаа таягаа орхиж, цэх зогсож байгаад зургаа даруулсан байна.Жүжигчин бүсгүй яагаад суга таягтай ирсэн талаар одоогоор тодорхой мэдээлэл цацагдаагүй байгаа юм. Гэхдээ “Цасан цагаан ба анчин” киноны зураг авалтын үеэр түүнийг шилэн дээр гишгэж хөлөө шархлуулсан тухай мэдээлэл түгж байсан. Тиймээс тэр шарх нь сэдэрсэн байж болох юм гэж хэвлэлүүд таамаглаж байна. Жүжигчин бүсгүй маань маш их тэвчээр гарган хөнгөхөн инээмсэглэл тодруулсан ч түүний харц өвдөлтийг нь нууж чадсангүй. Кристен Стюартаас гарч буй эрч хүч урлагийн хүний тэсвэр хатуужилын илэрхийлэл гэлтэй.
www.URLAG.mn
