Хүн төрөлхтний агуу их хайрын өнө мөнхийн билэгдэл цагаан уул цэцгээр төлөөлүүлэн “Цагаан уул” хэмээн нэрийдсэн залуу яруу найрагчдын дунд уламжлал болгон зохион байгуулдаг яруу найргийн наадмыг Монголын Залуучуудын Холбооноос 16 дах жилдээ зохион байгуулах гэж байна. Залуу яруу найрагчдыг олны танил болгодог, яруу найраг сонирхогчдын хүсэн хүлээдэг энэ наадмаас олон сайхан яруу найрагчид төрөн гарсан байдаг. Хайрын шүлэг, хайрын тухай дууны үг шалгаруулах, хайрын богино хэмжээний шүлгэн мессежний уралдаан гэсэн 3 төрлөөр зохион байгуулагддаг энэхүү наадамд оролцогчдын материалыг 2013 оны 03-р сарын 05-25ны дотор МЗХ-ны төв байранд болон [email protected] онлайн хаягаар хүлээн авахаар болжээ. Нийт 4 үе шаттайгаар явагдаж шалгаруулах энэхүү наадмын тэргүүн байрны эзнийг өөрийнхөө номыг 1000 хувь үнэгүй хэвлүүлэх эрхийн бичиг хүлээж байгаа юм байна. Залуу уран бүтээлчид болон яруу найраг сонирхогч залуус та бүхнийг наадамдаа идэвхтэй оролцохыг урьж байна.
www.URLAG.mn