Селена Гомез шинэ цомгийнхоо бэлтгэлд оржээ

Диснейн залуу од Селена Гомез удахгүй шинэ цомгоо гаргахаар зэхэж буй тухай баяртай мэдээг фенүүддээ дуулгажээ. Сүүлийн хоёр жилийн хугацаанд кино урлагт хүч сорьж, дуучны карьераа түр орхигдуулаад байсан тэрбээр шинэ цомгийн ажилдаа яаравчлан орсон гэнэ. Тэрбээр хамгийн сүүлд найруулагч Хармони Корины “Spring Breakers” гэх кинонд тоглосон нь өнгөрсөн оны сүүлээр нээлтээ хийсэн юм. Селена удахгүй гарах шинэ цомогтоо дуучин Майли Сайрус, Тейлор Свифт нарын хэд хэдэн уран бүтээлчтэй хамтран ажиллах аж. Одоохондоо шинэ цомогтоо нэр өгч амжаагүй байгаа гэнэ. Селена хамгийн сүүлд 2011 онд “Wizards of Waverly Place” цомгоо фенүүддээ өргөн барьсан билээ.