Хоёр жилийн өмнө Монголчууд 6002 бөх барилдуулж Гиннесийн номд бүртгүүлж байсан. Тэгвэл энэ жилийн наадмаар буюу Ардын хувьсгалын 92 жилийн ойгоор 5000 биелээчийг биелүүлж Гиннесийн дээд амжилтыг тогтоохоор төлөвлөөд байгаа билээ.
Энэхүү нэр хүндтэй ажлыг “Монголын бие биелээчдийн холбоо”-ноос зохион байгуулж байгаа юм. Уг ажлыг хийхийн тулд улсын хэмжээнд ардын язгуур урлагийн өв соёл тээгчдийг бүртгэх ажлыг эхлүүлсэний зэрэгцээ аймаг, сумдын дунд сургуулийн дуу хөгжмийн багш, соёлын төвийн эрхлэгч, хөгжимчид нар бий биелгээний үндсэн хичээлүүдийг сурагчдад зааж эхэлсэн байна. Бий биелгээ нь нүүдэлчин монголчуудын аж амьдралаас үүсэн бий болсон бөгөөд ихэвчлэн амьдралд элбэг өрнөдөг зан үйлүүдийг шингээсэн байдаг аж.
Тухайлбал цайныхаа дээжээ уул усандаа өргөх цацалт ёслол, үйл үртэс эсгэх, оёх, тариа буудай тээрэмдэх, ноос савах, бөх барилдах, нум сум харвах, морины явдал зэргийг үзүүлэн биелдэг.Бий биелгээг “Уусац бүжиг” хэмээдэг бөгөөд энэ нь мөр нь гараа хөдөлгөж цээж нь мөр гараа, хөл нь бүхэл биеэ түшиж бие биедээ уусан эвцэлддэг учраас ийн нэрлэх болсон гэдэг. Тийм ч учраас ардын бий биелгээ нь язгуур урлагийн суурь болдог төдийгүй дэлхий нийтийн анхааралд байдаг байна. Бий биелгээг спортын төрлүүдтэй тэр тусмаа уран хөдөлгөөнт гимнастиктай ч харьцуулшгүй гэж судлаачид үздэг аж. Тухайлбал спортын гимнастикаар хичээллэдэг тамирчин дунджаар 2000 хөдөлгөөн хийдэг бол бий биелгээ хийхэд 4000 орчим хөдөлгөөнийг шаарддагаараа өдгөө ч өвөрмөц хэвээр буй юм.
Та бүхнийг урлагийн тэнгэр ивээг…
www.URLAG.mn
