Богино хугацаанд нэрд гарч, рок попын төдийгүй загварын ертөнцөд танил болж, Парис, Миланы хувцасны шоуны нээлтэд уригддаг хамтлаг бол “Kazaky”. Тэдгээр залуус шиг хувцасласан эрчүүд гудамжаар алхдаггүй болохоор ч тэр үү тэднийг “цэнхэр” гэж ярих нь бий. Эмэгтэйчүүдийн хээнцэр төрх, бардам алхаа, эр хүний шийдэмгий харц, намирсан хар алчуур дороос давалгаалах өвөрмөц хэмнэл тэдний оршихуйг бүтээдэг учраас тэр. Саармаг хүйстнүүд. Уран бүтээлчид. Хөдөлгөөнөөр зурагчид. Хөгжмөөр хүүрнэгчид. … Хүний далд ухамсраас хэзээ ч үл арилах тачаал, хүсэл, хүслээ захирахуй, бас хүсэлдээ хөтлөгдөхүйг хулуу шиг хэлбэртэй, дугуй, төмөр, модон баг зүүчихээд бусдад, магадгүй өөрсдөдөө ч үл ойлгогдох хөдөлгөөнөөр агаарт зурж чадах залуусын "Crazy Law" дууны клипийг хүргэж байна.
www.URLAG.mn
