Холливудын хамгийн сайхан бас хамгийн олон насны зөрүүтэй хосын тоонд багтаж явсан Деми Мур, Эштон Катчер нар салахар болж байна. Жил гаруйн өмнө тэд салах тухай яригдаж эхэлсэн. Эштон Катчер салах өргөдлөө өгч, жүжигчин бүсгүй Мила Кунистай олны өмнө нэрэлхэлгүй гарах болсон ч Деми Мур салахыг хүлээн зөвшөөрөлгүй өдийг хүрсэн юм. Гэвч сүүлийн үед Мур салахыг зөвшөөрөхөөр шийдсэн гэнэ. Гэхдээ Катчераас багагүй хэмжээний тэтгэмж авсан тохиолдолд л салах ажээ.
“Муртай гэрлэснээс хойш Эштон ихээхэн хэмжээний мөнгө олсон. Мураас ямар ч байсан их мөнгө олсон. Гэхдээ үүнийг Деми Мурын нэр төрийг давхар ашиглаж олсон гэдгээ хүлээн зөвшөөрөхгүй байгаа” хэмээн ойрын гэх эх сурвалж өгүүлжээ. Эдүгээ 35 настай Эштон Катчер хамгийн өндөр цалинтай жүжигчдийн тоонд багтдаг. Катчерын одоогийн хөрөнгийн хэмжээг 136 сая ам.доллар, харин Деми Мурынхыг 151 сая ам.доллар гэж тооцдог гэнэ. Мур Катчераас салахдаа түүний нийт хөрөнгөнөөс чамгүй хэмжээг нь авахаар тооцоолж буй ажээ.
